Manifiestu

MARCHA ESTATAL CONTRA LES VIOLENCIES MACHISTES

7 DE PAYARES MADRID

MANIFIESTU

El movimientu feminista fai anuncia, que les violencies machistes afiten de la más xabaz de les maneres LA DESIGUALDÁ DE XÉNERU, Y SUPONEN la más grave violación de los DRECHOS HUMANOS DE LES MUYERES que tien la nuesa sociedá.

Dende l´añu 1975, 1378 muyeres fueron asesinaes pol terrorismu machista. No que va d´añu son ya 70 feminicidios y otros asesinatos de muyeres fechos por homes: Sólo pel branu de 2015 quitaron-yos la vida a 37 muyeres y 8 menores pola acción de les sos pareyes, sos pas o pareyes de so ma. Muyeres y menores sufren violencia patriarcal d´abondes formes. Y esto ye namás que punta l´iceberg.

Nos caberos años vienen dándose de contino bonos taragaños nos recursos públicos xenerales, nos drechos sexuales y nos drechos reproductivos, recortes na interrupción voluntaria del embarazu de les menores d´ente 16 y 18 años y taragaños nos recursos propios contra les violencies machistes. La sociedá patriarcal faimos culpables ensin que la sociedá, los medios de mases y los poderes públicos encarien los mitos misóxenos y anti feministes.

El movimientu feminista camienta que les violencies qu´esisten en delles estayes asoceden nuna sociedá que tolera la desigualdá y que-y quita credibilidá y autoridá a les muyeres. El machismu afala la nuesa
desvalorización, la cosificación de los nuesos cuerpos y la falta respetu a les nueses decisiones. Amás; estes agresiones van al empar de les que sufren les persones que nun respuenden a la masculinidá hexemónica.

  • Poro; el movimientu feminista entama la Marcha contra les violencies machistes el 7 de payares pa:
    ESIXIR:
    Que la llucha contra´l terrorismu machista seya una cuestión d´estáu.
  • Que vaya desendolcándose y afitando´l Conveniu d´Estambul y el cumplimientu de lo que ta afalándose de la CEDAW, y igüese la llei 1/2004 pa que tean asoleyaes toles formes de violencia contra les muyeres.
  • Que tola sociedá y les sos organizaciones y muérganos comprométanse nesta llucha.
  • Que la llucha y los recursos garren tamién dientro, tanto la violencia que fai la pareya o ex pareya, como les agresiones sexuales, l´acosu sexual na estaya llaboral, la trata col envís de facer explotación sexual / llaboral de muyeres y neñes y toles violencies machistes.
  • Que tolos muérganos de gobiernu comprométanse dafechu na prevención y la igua de les violencies machistes, asina como na asistencia y igua de toles muyeres en situación de violencia, dixebrando la situación alministrativa na que tean les muyeres nesi momentu.
  • Que l´acentu asítiese na protección de les afectaes, dándo-yos salides diferentes qu´impliquen qu´aliquen de verda económica y socialmente, al igual que los sos fios y fies.
  • Que la prevención seya una política cimera que tenga un sistema coeducativu en tolos ciclos, la formación específica pa tol personal profesional qu´intervien nos procesos, los medios de comunicación, la producción cultural y la sociedá civil na llucha contra les violencies machistes.
  • Que los medios de comunicación faigan el compromisu de da-y un tratamientu afayaízu a les diferentes formes de violencies machistes, dando-yos visibilidá, y quitando-y el sensacionalismu morbosu nel so tratamiento y usando una fala y unes imaxenes non sexistas.
  • La eliminación de la custodia compartida impuesta y el rexime de visistes a los menores de los maltratadores condergaos. Quita-yos y nun da-yos la patria potestá a los maltratadores.

Tomemos conciencia darréu, que el Machismu Mata, fai imposible la convivencia qu´hai qu´esixir nuna democracia.

Tamos equí presentes pa facer un llamáu a cada persona, a cada institución, a cada partíu políticu, a cada gobiernu pa nun ser cómplices d´esta xabaz barbarie.

La mitá la humanidá tien que seguir viviendo, nun podemos permitir nin un asesinatu más.

Poro; esperamosvos el prósimu 7 de Payares en Madrid, ónde vamos entamar una Marcha que va salir dende´l Ministeriu de Sanidá nel Paseo del Prado a les 12 hores hasta la Plaza de España.

¡¡¡¡¡¡ QUEREMOSMOS VIVES !!!!!!!!. ¡¡¡ BASTA YA !!!!

Manifiestu

Propuesta Plenu

FacebookTwitterGoogle+WhatsAppLineGoogle GmailPinterestCompartir